星洲炒米（附食譜）

天氣漸凍，做gym的動力驟減，今晚早早返歸煮晚餐。

一人晚餐唔需要太複雜，所以炒一炒星洲米。

我的做法唔似一般茶記咁多油，好多野用水焯一焯先！

材料（份量夠三至四人）

1. 銀芽半斤

2. 青椒一個（切條）

3. 米粉兩個

4. 廿皮叉燒（叫師傅免切，回家自行切條）

5. 清雞湯一盒（細盒）

6. 咖喱粉半湯匙

7. 蒜頭兩粒

8. 指天椒三隻（切絲）

做法：

1. 米粉用凍水浸太約半小時

2. 咖喱粉用清雞湯開左佢

3. 銀芽用水焯至半熟，後去多餘水份備用。

4. 用一粒蒜頭加少許油爆炒青椒加銀芽。炒起備用

5. 用少許油（唔使咁多，因為叉燒有油）蒜頭加指天椒爆炒叉燒絲。

6. 加入米粉一起炒，倒半一場咖喱清雞湯，炆一炆Ｄ米粉，如發現乾身倒入銀芽青椒絲一起炒，炒至乾身即可。

今日又用左心心碟，靚晒囉！

雖然少少濕濕地，但唔使用咁多油，健康Ｄ囉！